श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.
महादेव बनसुडे विश्व निर्माता: श्रीगोंदा तालुका बुद्धिबळ संघटने कडून बुद्धिबळ स्पर्धा संपन्न.गेले नऊ वर्षापासून श्रीगोंदा तालुका बुद्धिबळ संघटना दरवर्षी बुद्धिबळ स्पर्धेचे आयोजन करते. याही वर्षी श्रीगोंदा बुद्धिबळ संघटना, डॉ. लाड (मातोश्री ग्रामीण रुग्णालय काष्टी )व अहिल्यानगर जिल्हा बुद्धिबळ संघटना यांच्या संयुक्त विद्यमाने 2025 च्या बुद्धिबळ स्पर्धेचे आयोजन करण्यात आले होते. या स्पर्धेत श्री छत्रपती शिवाजी महाविद्यालयाचेही सहकार्य लाभले.
संघटनेच्या वतीने श्री छत्रपती शिवाजी महाविद्यालय श्रीगोंदा या ठिकाणी रविवार दिनांक 19/10/2025 रोजी तालुकास्तरीय बुद्धिबळ स्पर्धेचे आयोजन करण्यात आले. या स्पर्धेत मोठ्या संख्येने विद्यार्थ्यांनी सहभाग घेऊन आपली बुद्धिमत्ता आणि खेळातील कौशल्य दाखवले.
स्पर्धेच्या उद्घाटन प्रसंगी मातोश्री ग्रामीण रुग्णालय काष्टी येथील डॉ. नवनाथ लाड,डॉ. प्रसाद लाड, डॉ. सौ श्वेता लाड, डॉ.सौ. आशा मचे व श्री छत्रपती शिवाजी महाविद्यालयाचे प्राचार्य डॉ.सूर्यवंशी सर यांनी उपस्थित राहून स्पर्धकांना मार्गदर्शन केले. यावेळी प्रगतशील शेतकरी मनोहरजी लकडे, दक्ष नागरिक फाउंडेशनचे दत्ताजी जगताप श्रीरंगजी साळवे व शिवदुर्ग ट्रेकर्स फाउंडेशन चे अध्यक्ष राजेशजी इंगळे हेही उपस्थित होते.
स्पर्धेत एकूण 95 स्पर्धकांनी सहभाग नोंदवला व सर्वांनी जिंकण्यासाठी आपल्या बुद्धीची जोरदार कसोटी लावली. ही स्पर्धा चार वेगवेगळ्या गटात खेळवली गेली त्यातील खुला गटात क्षितिज मोरे प्रथम क्रमांक , दीपक सुपेकर द्वितीय क्रमांक, व अतुल बोरुडे यांनी तृतीय क्रमांक मिळवला. वीस वर्षा आतील गटात आदित्य गायकवाड प्रथम क्रमांक, क्रतू माने द्वितीय क्रमांक व विराज मचे यांनी तृतीय क्रमांक मिळवला. 14 वर्षाखालील गटात वेदांत दळवी प्रथम क्रमांक, प्रत्युष पवार द्वितीय क्रमांक व सत्यजित वेठेकर तृतीय क्रमांक मिळवून विजेते राहिले.
या स्पर्धेत महिलावर्गही मागे राहिल्या नाहीत त्यांचीही उपस्थिती उल्लेखनीय होती व त्यांच्या तील महिला गटात प्राजक्ता कोथिंबिरे प्रथम क्रमांक, कार्तिकी शिंदे द्वितीय क्रमांक व श्रावणी ताडे तृतीय क्रमांक मिळून विजेत्या ठरल्या.
अशी माहिती संघटनेचे उपाध्यक्ष धीरज डांगे यांनी दिली!
या धकाधकीच्या जीवनात बुद्धिबळ संघटना अशा प्रकारच्या स्पर्धेचे आयोजन करून स्पर्धकांना एक व्यासपीठ निर्माण करण्याचा प्रयत्न करत आहे. या उपक्रमास बऱ्याच अदृश्य हातांची मदत लाभत आहे. यावर्षी डॉ. लाड मातोश्री ग्रामीण रुग्णालय काष्टी यांच्यावतीने विजेत्यांसाठी रोख रुपयाचे व सन्मान चिन्हाचे वाटप करण्यात आले. गुगळे मोबाईल शॉपी व गुगळे ज्वेलर्स यांच्या मार्फत सर्व स्पर्धकांना प्रमाणपत्राचे वाटप करण्यात आले. तसेच उपस्थितांसाठी दरवर्षी प्रमाणे याही वर्षी त्रिमूर्ती भेळ सेंटरचे चंद्रकांतजी चौधरी यांच्याकडून अल्पोपहाराची सोय करण्यात आली होती. अशी माहिती संघटनेचे अध्यक्ष डॉ. अभय शिंदे यांनी बोलताना दिली
श्रीगोंदा तालुका बुद्धिबळ संघटना अशा प्रकारचे स्पर्धेचे आयोजन नियमितपणे करत राहील व सर्व स्पर्धकांना असेच प्रोसाहीत करत राहील अशी ग्वाही देऊन सर्वांचे आभार संघटनेचे सचिव गणेश गुगळे यांनी मानले. सूत्रसंचालन प्रा. योगेश शेलार यांनी केले.स्पर्धा यशस्वीरीत्या पार पाडण्यासाठी दीपक सुपेकर,अतुल बोरुडे,धनेश गुगळे,सतीश शिंदे सर आणि विठ्ठल होले यांनी विशेष मेहनत घेतली.
