तांदळी दुमाला ग्रामपंचायतीच्या उपसरपंचपदी झुंबर खुरंगे यांची बिनविरोध निवड

विश्व निर्माता प्रेस पोर्टल

मंगळवार १२ मे २०२६

श्रीगोंदा तालुक्यातील तांदळी दुमाला येथील ग्रामपंचायतीमध्ये उपसरपंच पदाच्या निवडीसाठी विशेष कार्यक्रमाचे आयोजन करण्यात आले होते. या निवड प्रक्रियेदरम्यान झुंबर खुरंगे यांची बिनविरोध उपसरपंचपदी निवड करण्यात आली.

त्यांच्या निवडीची घोषणा होताच ग्रामपंचायत परिसरात आनंदाचे वातावरण निर्माण झाले. उपस्थित ग्रामस्थ, पदाधिकारी तसेच कार्यकर्त्यांनी झुंबर खुरंगे यांचे अभिनंदन करत त्यांचे स्वागत केले.

यावेळी गावाच्या विकासासाठी प्रामाणिकपणे काम करण्याचा निर्धार व्यक्त करण्यात आला. ग्रामस्थांनी नव्याने निवडून आलेल्या उपसरपंचांकडून गावातील विविध प्रश्न सोडविण्यासाठी पुढाकार घेण्याची अपेक्षा व्यक्त केली.